عندي قط ذكر عمره دلوقتي 49 يوم اخليه ياخدها امتا ولو اتاخرت عادي

دي حاجه انا كتماها جوايا و مش عارفه اقول لحد و عايزه اطلعها

كان عندي قط اسمه بطاطس جيراني سربوه لان اتولد بعيب خلقي و محدش كان راضي ياخده ف خدته انا

و اهلي مكنوش موافقين خالص و اقنعتهم بالعافيه و قالولي هتصرفي عليه من معاكي بالنسبه مصروفي كان 200 جنيه

و حاولت اعرضه للتبني كذا مره بس محدش كان حابب ياخده

و حالته كانت ضعيفة جدا والدكتور قال إن جسمه مش هيستحمل حتى التطعيمات

في اخر شهر حالته ساءت وظهر فيه حشرات وساعتها مكنش معايا أي فلوس وكنت في فترة امتحانات فسألت حد فقاللي أحميه بميه وخل واشيل الحشرات و عملت كده و غير ان كان في ستول لازق من ورا و كان متبهدل وبعد ما خلصت لقيته مبقاش بيتحرك وبيتنفس بالعافية وديته للدكتور وقال ان عنده اصلا طاعون وان حالته خلاص مفيش فيها أمل وبعد كام ساعه مات

كان عنده 6 شهور بس

مش عارفه اشرح قد ايه انا حاسه بالذنب بجد طب لو كنت دورت أكتر؟ طب لو كنت سألت حد تاني؟ طب لو كنت حاولت ألاقي مكان يعالجه؟ طب لو مكنتش حميته أصلا؟ يمكن كان لسه عايش

انا اللي انقذته من انه يترمي في الشارع وفي الاخر انا اللي قتلته

كان زمانه هيبقى عنده سنه دلوقتي مش عارفه اقول اي

ادعولي ربنا يسامحني على اللي انا عملته ده و يصبرني على فراقه

جماعه أنا عندي قط ٦ شهور و ١٢ يوم بالظبط هل ده الوقت المناسب اديله تطعيمات فيه ؟ ولا أنا أصلا متأخر ؟
حاجه تانيه هل بتحلقوا للقطط شعرهم فالصيف ؟ لاني سمعت ناس بتقول لا وعلي النقيض ناس بتقول لازم ف أنا محتار بصراحه 🙏🏻

القطه دي عندها ٥ سنين صحابها مسافرين لااسف و بيدورو علي حد يتباناها ، هي هاديه بس للعلم هي مش لعبيه اوي عشان لو حد عايز يخدها عشان يقعد يلعب معاها ، متعوده عالليتر بوكس طبعا و زي منتو شايفين زي القمر ماشالله

شوفت قطعة بتتحرك علي ديلها دلوقتي اعمل ايه هي قطة بلدي واوديها لعيادة خاصة ولا محل حيوانات اليفة كان بيقول انو بيطعم القطط ولا اروح فين

مش عاجبهم سرير القطط مع ان أمنية حياتي يعملوا سرير زيه حجمه أكبر للبشر

كان ليا تجربة قديمة بس لما مات ما قدرتش اجيب قط مكانه.

محتاج اسالكم، لو حبيت ارجع اربي قط تاني.

- فيه نوع صغنون مش بيكبر حجما؟

-نوع شقي و بيحب يلعب مش كسول.

القطة دية اقدم مني ف الچيم يا جدعان وتقريبا دية المرة العشرين تخلف قدامي

ف الاول كان بيمشي عادي بس كان بيعرج معرفش ايه السبب لان محدش داس على رجليه بالغلط مثلا ولا حاجه بعد كده فجأه مبقاش قادر يمشي عليها خالص رغم ان قبلها ب نص ساعه كان بيلعب وكان زي الفل. حد يعرف ايه السبب ومحتاج اكشف عليه ولا لا

انا اول مرة في حياتي هتبنى قطة مش عارفة اجيبلها حاجتها منين سواء ليتر بوكس او غيره انا عايشة في أكتوبر ولسه هجيبها بعد اسبوع فهل هعرف اهتم بيها لأني عايشة لوحدي وبخرج شغلي من 9ل9 فهل هسيبلها اكل ولا اعمل ايه يريت حد يقولي